> கோவாவில் நயன்தாரா

தேனியைச் சேர்ந்த சில இளைஞர்கள் ட்‌‌ரீட் கொடுப்பதற்காக கோவா வருகிறார்கள். அங்கு அவர்களுக்கு ஏற்படும் காதல், மோதல், காமெடி அனுபவங்களை திரைப்படமாக்கியிருக்கிறார் வெங்கட்பிரபு.

ஜெய், பிரேம்‌ஜி, வைபவ், அரவிந்த் ஆகாஷ், சினேகா நடித்திருக்கும் இந்தப் படத்தில் வெளிநாட்டு நடிகையும் உண்டு. யுவன் இசை.

கோவாவின் ஸ்பெஷல் அட்ரா‌க்சன், நயன்தாரா. படத்தின் ஒரு காட்சியில் நயன்தாரா தோன்றுகிறார். அந்த‌க் காட்சி என்ன என்பது சஸ்பென்ஸ்.

சிவகாசி படத்தில் நயன்தாரா ஒரு பாடலுக்கு ஆடினார், படம் ஹிட். சிவா‌ஜியில் ஒரு பாடலுக்கு ஆடினார், படம் சூப்பர்ஹிட். கோவாவில் ஒரு காட்சியில் நடிக்கிறார், படம் சூப்பர் டூப்பர் ஹிட்டாகும் என இப்போதே நயன ஜோசியம் படிக்கிறார்கள் கோடம்பாக்கத்தில்.