> ரசிகர்கள் சூழ்ந்துகொண்ட - நயன்

நயன்தாராவை திடீரென்று பஸ்ஸில் பார்த்தால் யாருக்குத்தான் தொட்டுப்பார்க்க ஆசையிருக்காது. அப்படித்தான் ஒரு சம்பவம் கும்பகோணத்தில் நடைபெற்றது.

வாசன் விஷுவல்ஸ் வென்சர்ஸ் சார்பாக கே.சீனிவாசன், கே.சிவராமன் இணைந்து தயாரிக்கும் படம் பாஸ் என்கிற பாஸ்கரன்.

ஆர்யா ஹீரோவாக நடிக்கும் முழுக்க முழுக்க காமெடி படம். ஆர்யாவும், நயன்தாராவும் பஸ்ஸில் பயணமாகும் காட்சிக்காக ஜூனியர் ஆர்ட்டிஸ்ட் இல்லாமல் தத்ரூபமாக இருக்க வேண்டும் என்பதற்காக பொதுமக்களோடு பயணமாவது போல் நயன்தாராவை பஸ்ஸில் ஏற்றிவிட, அவரைப பார்த்து ரசிகர்கள் சூழ்ந்துகொண்டதால் படப்பிடிப்பு நடத்த முடியாமல் பாதியிலேயே நிறுத்தியிருக்கிறார் இயக்குனர் ராஜேஷ்.

எனவே தொடர்ந்து படப்பிடிப்பு நடத்த சென்னையிலிருந்து ஜூனியர் ஆர்ட்டிஸ்டுகளை வரவழைக்க ஏற்பாடு செய்துள்ளார்.