> முதல்வருக்கு கோரிக்கை

வித்தியாசமான படம் என்றால் மா படத்தைத்தான் சொல்ல வேண்டும். படத்தின் இயக்குனர், நடிகர், நடிகைகள் என அனைவரும் ஊனமுற்றவர்கள். அவ‌ர்களின் வேதனையை, வலியை கதையாக சொல்லும் படம் மா.

இப்படத்தின் பாடல்கள் வெளியீடு நேற்று சென்னையில் நடைபெற்றது. கவிஞர் கனிமொழி பாடல் கேசட்டை வெளியிட, ராஜீவ் மேனன் பெற்றுக்கொண்டார். இவ்விழா ஏற்பாட்டினை உடல் ஊனமுற்றோர் கூட்டமைப்பின் தலைவர் ஜி.சிதம்பரநாதன் செய்திருந்தார்.

விழாவில் படத்தின் தயாரிப்பாளர் ஹெலன் பிரியா, படத்தின் இயக்குனர் பாத்திமாபீவி மற்றும் நடிகர், நடிகர்கள், தொழில்நுட்ப கலைஞர்கள் கலந்து கொண்டனர்.

இப்படம் தங்களது கோரிக்கையை முதல்வர் கலைஞர் அவர்களுக்கும் விளக்கும் படமாகவும் இருக்கும் என்றார் விழாவில் கலந்துகொண்ட ஊனமுற்ற நண்பர். இந்த முயற்சி மூலம் பல்லாயிரக்கணக்கான ஊனமுற்ற தோழர்கள் பயன் பெறட்டும். வாழ்த்துவோம்.