> சன் பிக்சர்ஸில் குட்டி

தனுஷின் அடுத்த படைப்பு, குட்டி. யாரடி நீ மோகினி மாதி‌ரி இதுவும் தெலுங்கு ‌‌ரீமேக். மித்ரன் ஏ.ஜவஹர் இயக்கியிருக்கிறார்.

ஐந்து வருடங்களுக்கு முன் தெலுங்கில் அல்லு அர்ஜுன் நடிப்பில் வெளியான ஆ‌ரியா படத்தையே, குட்டி என்ற பெய‌ரில் ‌‌ரீமேக் செய்துள்ளனர். கல்லூரி காதல்தான் படத்தின் கதை. ஹீரோயின் ஸ்ரேயா. அடக்கமான கல்லூரி மாணவியாக அவரை படத்தில் சித்த‌ரித்திருக்கிறார்கள்.

படத்தில் இரண்டாவது ஹீரோவாக இந்தி நடிகர் சமீர் தத்தானி அறிமுகம் ஆகிறார். தனுஷ், சமீர் தத்தானி, ஸ்ரேயா இந்த மூவருக்குள் நடக்கும் கதைதான் படம்.

தேவிஸ்ரீ பிரசாத் இசையமைக்க, பாலசுப்பிரமணியம் படத்துக்கு ஒளிப்பதிவு செய்துள்ளார். தீபாவளிக்கு படம் வெளிவரும் என எதிர்பார்க்கப்படுகிறது.

கேம்பஸ் கதையான நினைத்தாலே இனிக்கும் வெற்றி பெற்றதால் குட்டி படத்தின் மீதும் ஆர்வமாக இருக்கிறது சன் பிக்சர்ஸ். வேட்டைக்காரன், கண்டேன் காதலை படங்களுடன் குட்டி படத்தையும் சன் பிக்சர்ஸ் வாங்கயிருக்கிறது என்பது நம்பத்தகுந்த வட்டாரங்களிலிருந்து கிடைத்த தகவல்.