மீண்டும் புதுப் பொலிவுடன் தமிழ் நெட்வேர்க்.


> அரசியல் பிரவேசத்துக்கு விஜய் வீட்டை விற்றாரா ??

விஜய் படங்களின் தொடர் தோல்விகளுக்கும், எதிர்ப்புகளுக்கும் படத்தின் கந்தலான கதை பாதி காரணம் என்றால் மீதி காரணம் அரசியல். தான், தனது, தனது குடும்பம் என்று மட்டும் நினைக்கும் சில சர்வாதிகார மனங்களே தனது எதி‌ரிகள் என்று பு‌ரிந்து கொண்ட விஜய், பாதுகாப்புக்கு அதிமுக பக்கம் சாய்ந்துள்ளார்.

இந்நிலையில் தனது குடும்ப வீட்டை அவர் விற்றுள்ள தகவல் வெளிவந்துள்ளது.

சாலிகிராமத்தில் உள்ளது விஜய்யின் குடும்ப வீடு. சில வருடங்களுக்கு முன்புதான் இந்த வீட்டிலிருந்து கடற்கரைப் பக்கம் தனது ஜாகையை மாற்றினார் விஜய். அப்போதிலிருந்து ஆளில்லாமல் கிடந்த இந்த வீட்டில் சமீபத்தில் மாற்றங்கள் ஏற்படத் தொடங்கின. விஜய் ஆண்டனியின் இசைக்கூடமாக மாறியது விஜய் வீடு.

வாடகைக்குதான் விஜய் ஆண்டனி அங்கிருக்கிறார் என்றுதான் பலரும் நினைத்தனர். ஆனால் விஜய் வீட்டை விற்றுவிட்டதாக தகவல் வெளியாகியுள்ளது. இந்த விற்பனை விஜய்யின் அரசியல் பிரவேசத்தை மேலும் பிரகாசப்படுத்தும் என ஜோதிடர்கள் கூறியதுதான் இதற்கு காரணம் எனவும் கிசுகிசுக்கப்படுகிறது.
Share on Google Plus

About Media 1st

உலகின் உண்மையை உரக்க சொல்வோம் வாழ்க தமிழ் மொழி வளர்க தமிழ் மொழி.