> ஷாம் படத்துக்கு தடை

ஷாம் நடித்துவரும் அகம்புறம் படத்தை வெளியிட உயர்நீதிமன்றம் இடைக்கால தடை வித்தித்துள்ளது.

ஆகம்புறம் படத்தை கோபாலகிருஷ்ணன் தயா‌ரித்து வருகிறார். இவர் மதுரை காமராஜர் நினைவு மருத்துவக் கல்வி அறக்கட்டளையிடமிருந்து 72 லட்சம் வாங்கியிருக்கிறார். மதுரை அருகே நிலம் வாங்குவதற்காக இந்தப் பணம் கோபாலகிருஷ்ணனுக்கு கொடுக்கப்பட்டிருக்கிறது.

இந்தப் பணத்தில் 25 லட்சத்தை இதுவரை கோபாலகிருஷ்ணன் திருப்பிச் செலுத்தவில்லை என தெ‌ரிகிறது. இந்தப் பணத்தை வட்டியுடன் திருப்பிச் செலுத்தும் வரை அவர் தயா‌ரித்துவரும் அகம்புறம் படத்தை வெளியிட தடை விதிக்க வேண்டும் என அறக்கட்டளையின் நிர்வாக இயக்குனர் நீதிமன்றத்தில் மனு தாக்கல் செய்திருந்தார்.

இந்த மனுவை விசா‌ரித்த நீதிபதி அகம்புறம் படத்தை வெளியிட இடைக்கால தடை விதித்தார். வழக்கு விசாரணை வரும் 13ஆம் தேதிக்கு தள்ளி வைக்கப்பட்டுள்ளது.