சென்னை 28ல் அறிமுகமான விஜயலட்சுமி சுல்தான் தி வாரியரில் ரஜினிக்கு ஜோடி. குறுகிய காலத்தில் கோபுரத்தை எட்டிய இவர் இன்னும் பிற மொழிகளில் நடிக்கப் போகாமலிருப்பது ஆச்சரியம். வாய்ப்புகள் வருவதில்லையா?‘பிற மொழிகளில் நடிக்க கேட்டுக் கொண்டுதான் இருக்கிறார்கள். நான்தான் வேண்டாம் என்று மறுத்து வருகிறேன்.’
தமிழில் தனக்கென நிலையான ஒரு இடத்தைப் பிடித்த பிறகே பிற மொழிகளில் நடிப்பது என முடிவு செய்திருப்பதாக விளக்கம் தருகிறார் விஜயலட்சுமி.
விரைவில் இவர் நடித்த கற்றது களவு படம் வெளியாகிறது. இதில் ஏர் ஹோஸ்டஸாக நடித்திருக்கிறாராம். வித்தியாசமான கதை, வித்தியாசமான வேடம் என்பதால் படம் நிச்சயம் பேசப்படும் என்கிறார் விஜயலட்சுமி.
இந்தப் படத்துக்குப் பிறகு அவர் எதிர்பார்க்கும் நிலையான இடம் தமிழில் கிடைக்கும் என்று நம்புகிறாராம். அதாவது, இந்தப் படத்துக்குப் பிறகு பிற மொழிப் படங்களில் விஜயலட்சுமியை பார்க்கலாம்.
0 நான் சம்பாதிச்சது:
Post a Comment
Note: Only a member of this blog may post a comment.