மீண்டும் புதுப் பொலிவுடன் தமிழ் நெட்வேர்க்.


உடல் எடை குறைப்பு முயற்சியில் உயிரிழந்தார் ஆர்த்தி அகர்வால் திரைத் துறையினர் அதிர்ச்சியில்.

பிரபல திரைப்பட நடிகை ஆர்த்தி அகர்வாலின் திடீர் மரணத்திற்கு எடைகுறைப்பு அறுவை சிகிச்சை தவறாக முடிந்ததே காரணம் என்று அதிர்ச்சித்  தகவல் வெளியாகியுள்ளது.  தெலுங்கு மற்றும் தமிழ் திரையுலகில் மிகவும் பிரபலமான நடிகை ஆர்த்தி அகர்வால்.கடந்த  2005 ஆம் ஆண்டுக்கு பின்னர் திரையுலகை விட்டு விலகி அமெரிக்காவில் குடியேறினார்.

2007ஆம்  ஆண்டில் கணினி பொறியியலாளர் உஜ்வால் குமார் என்பவரை திருமணம் செய்து கொண்டார். திருமணத்துக்கு பின்னரும் அவருக்கு சினிமா வாய்ப்புகள் வந்தன. ஆனால் அவர் உடல் எடை கூடி பருமனாகிவிட்தால் சினிமாவில் மீண்டும் நடிப்பது குறித்து ஆலோசித்து வந்தார்.

மேலும் அவரின் உடல் எடையைக்  குறைத்தால் நடிக்க வாய்ப்பு தருவதாகவும்  தெலுங்கு பட உலகில் கூறினர். இதனைத் தொடர்ந்து அவர் அமெரிக்காவின் அட்லாண்டிக் நகரின் பிரபல மருத்துவமனையில்  உடல் எடை குறைப்பு அறுவைசிகிச்சை செய்து கொண்டார்.

அதனைத் தொடர்ந்து கடந்த சில நாட்களாக அவர் அடிக்கடி மூச்சுத்திணறலால் அவதிப்பட்டு வந்தார். அதற்கு சிகிச்சை பெறுவதற்காக மீண்டும் அதே மருத்துவமனையில் சேர்க்கப்பட்டார். அங்கு சிகிச்சையில் இருந்தபோதே அவருக்கு மாரடைப்பும் ஏற்பட்டதாகக் கூறப்படுகிறது. இதன் காரணமாக ஜூன் 6 ஆம்  தேதி காலை அவர் திடீர் மரணமடைந்தார். இச்சம்பவம் தமிழ் மற்றும் தெலுங்கு திரைத் துறையில் பெரிய அதிர்ச்சியை ஏற்படுத்தியது.

இந்நிலையில் எடைகுறைப்பு அறுவைச் சிகிச்சை தவறாக முடிந்ததால் நடிகை ஆர்த்தி அகர்வாலுக்கு மூச்சுத்திணறல் ஏற்பட்டது என்று தெரிவிக்கப்பட்டு உள்ளது.  தெலுங்கு நடிகை ஆர்த்தி அகர்வாலின் மேலாளர், இது தொடர்பாக  ஆங்கில செய்தி நிறுவனம் ஒன்றிற்கு அளித்துள்ள பேட்டியில், “ஆர்த்தி அகர்வால் உடல் பருமன் மற்றும் நுரையீரல் நோயினால் பாதிக்கப்பட்டு இருந்தார். அதற்கு சிகிச்சைப் பெற்றுக்  கொண்டு இருந்தபோது சில சிக்கல்கள் ஏற்பட்டதன் காரணமாக அவருக்கு மாரடைப்பு ஏற்பட்டு உயிரிழந்தார்” என்று கூறியுள்ளார்.

உடல் எடையைக் குறைப்பது தொடர்பான அறுவைச் சிகிச்சை ஆர்த்தியின் உயிரைப் பறித்துள்ள சம்பவம் திரைத் துறையினர் மத்தியில் அதிர்ச்சியை ஏற்படுத்தியுள்ளது.
Share on Google Plus

About Media 1st

உலகின் உண்மையை உரக்க சொல்வோம் வாழ்க தமிழ் மொழி வளர்க தமிழ் மொழி.