> 'தல'யின் மக்கள் செல்வாக்கு

புத்துணர்வோடு புதுகளம் இறங்கிவிட்டார் போல தெரிகிறது அஜித். தான் உண்டு தன் தொழில் உண்டு என்றிருந்தவர், படத்தின் விவாதங்களில் கலந்துகொண்டு ஆலோசனை சொல்ல ஆரம்பித்திருக்கிறார்.

அசல் கேசட் வெளியீட்டு விழாவை அந்தந்த மாவட்டங்களில் நடத்தியிருக்கிறது அஜித் மன்றம். மேடைபோட்டு விளையாட்டுப் போட்டிகள், நடனப் போட்டிகள் என நடத்தி அதில் வெற்றி பெற்றவர்களுக்கு பரிசும் கொடுத்திருக்கிறார்கள்.

இப்படி சேலம், கோவை, மதுரை என பல மாவட்டங்களில் அமர்க்களப்படுத்தியிருக்கும் தல ரசிகர்கள், இப்படி கூட்டத்தைக் கூட்டி விழா நடத்தினால்தானே மக்கள் செல்வாக்கை பெறமுடியும் என்கிறார்கள்.

மக்கள் செல்வாக்கு என்றால் புரிந்திருக்கும்தானே.