தமிழ் சினிமா சரித்திரத்தில் எப்போதும் விரும்பிப் பார்க்கப்படும் படங்களின் பட்டியலில் இரண்டு படங்கள் கண்டிப்பாக இடம் பிடிக்கும். அவை ஸ்ரீதரின் காதலிக்க நேரமில்லை மற்றும் எம்.ஜி.ஆரின் உலகம் சுற்றும் வாலிபன்.இதில் காதலிக்க நேரமில்லை படத்தின் ரீமேக் உரிமையை நடிகரும் இயக்குனருமான மனோபாலா வாங்கியுள்ளார். சரியான நடிகர்கள், திறமையான இயக்குனர் இந்த இரண்டும் சாதகமாக அமையாததால் காதலிக்க நேரமில்லை ரீமேக் இன்னும் தொடங்கப்படாமலே உள்ளது.
உலகம் சுற்றும் வாலிபனைப் பொறுத்தவரை அதன் ரீமேக்கில் நடிக்க பலருக்கும் விருப்பம். சுந்தர் சி. தனது விருப்பத்தை வெளிப்படையாக அறிவித்ததுடன் ரீமேக் உரிமையை வாங்கவும் முயற்சிகள் செய்தார். சில காரணங்களால் அது நடைபெறவில்லை.
இந்நிலையில் உலகம் சுற்றும் வாலிபனின் ரீமேக் உரிமையை வாங்க சிம்பு ஆர்வம் காட்டுகிறார். ரீமேக் உரிமைக்காக அரை கோடி வரை கொடுக்க அவர் தயாராக இருக்கிறாராம். பேரம் விரைவில் படியும் என்கின்றன செய்திகள்.
சிம்பு தற்போது நிக் ஆர்ட்ஸ் தயாரிப்பில் வாலிபன் படத்தை இயக்கி நடிக்கும் வேலையில் பிஸியாக உள்ளார் என்பது குறிப்பிடத்தக்கது.
0 நான் சம்பாதிச்சது:
Post a Comment
Note: Only a member of this blog may post a comment.