சீமானின் நாம் தமிழர் அரசியல் கட்சியில் தினமும் இருபத்தைந்து பேர்களாவது உறுப்பினராகி வருகிறார்கள். இதன் காரணமாக எப்போதும் ஜேஜே என்றிருக்கிறது அவரது வளசரவாக்கம் வீடு.இயக்குனர் சீமானை பார்க்க வந்தது யார், அரசியல்வாதி சீமானை பார்க்க வந்தது யார் என்ற குழப்பம் இருப்பதால் புதிதாக கட்சி அலுவலகம் ஒன்றை அதே வளசரவாக்கத்தில் திறந்துள்ளார்.
நிற்க. நாம் சொல்ல வந்தது வேறு. தாணு தயாரிப்பில் விஜய்யை வைத்து பகலவன் படத்தை சீமான் இயக்குவது உறுதி செய்யப்பட்டிருக்கிறது. படத்தின் முதல் பகுதியை மட்டும் விஜய்யிடம் கூறியிருக்கிறார் சீமான். அதுவே போதும் நடிக்கிறேன் என்று சம்மதம் தெரிவித்துள்ளார் விஜய்.
இயக்கத்துடன் தனது நடிப்பையும் சீமான் தொடரயிருக்கிறார். ஜெகன்ஜி அடுத்து இயக்கும் ரோஜா மல்லி கனகாம்பரம் படத்தில் சீமான்தான் ஹீரோ. சீமான் ஹீரோ என்பது தீர்மானமானதால் படத்தின் பெயரையும் ஆக்ரோஷமாக மாற்றப் போகிறார்களாம்.
ஜூலையில் படப்பிடிப்பைத் தொடங்க திட்டமிட்டுள்ளனர்.
0 நான் சம்பாதிச்சது:
Post a Comment
Note: Only a member of this blog may post a comment.