குஷி, நியூ, மொழி போன்ற படங்களின் கேமராமேன் கே.வி.குகன் முதல் முறையாக இயக்கியிருக்கும் படம், இனிது இனிது. பிரகாஷ்ராஜின் டூயட் மூவிஸ் படத்தை தயாரித்துள்ளது.முழுக்க புதுமுகங்கள் நடித்திருக்கும் இந்தப் படத்துக்கு மிக்கி ஜே.மேயர் இசையமைத்துள்ளார். கேம்பஸ் கதையான இதன் படப்பிடிப்பு வேலூர் இன்ஸ்டிட்யூட் ஆஃப் டெக்னாலஜியில் (விஐடி) நடந்தது.
அங்கு நடைபெற்ற முதல் படப்பிடிப்பு இனிது இனிது என்பது குறிப்பிடத்தக்கது. இந்தப் படத்துக்குப் பிறகே ஷங்கர் தனது எந்திரன் படத்தின் சில காட்சிகளை வேலூர் இன்ஸ்டிட்யூட் ஆஃப் டெக்னாலஜியில் எடுத்தார்.
நட்பையும், காதலையும் பிரதானமாகச் சொல்லும் இப்படம் நேற்று தணிக்கைக் குழு உறுப்பினர்களுக்காக திரையிடப்பட்டது. படத்தைப் பார்த்த உறுப்பினர்கள், வழக்கமான சினிமா கேம்பஸாக இல்லாமல் இது புதிதாக இருக்கிறது என படத்தின் இயக்குனரை பாராட்டியுள்ளனர்.
மேலும் படத்தின் எந்தப் பகுதியிலும் சென்சாரின் கத்திரி தீண்டவேயில்லை. ஒரு கட் கூட இல்லாமல் சென்சாரில் அனைவரும் பார்க்கத் தகுந்த யு சான்றிதழ் வாங்கிய படம் சமீபத்தில் இனிது இனிதாகவே இருக்கும்.
நண்பர்கள் தினமான ஆகஸ்ட் 1ஆம் தேதி படத்தின் பாடல்களை வெளியிட திட்டமிட்டுள்ளனர்.
0 நான் சம்பாதிச்சது:
Post a Comment
Note: Only a member of this blog may post a comment.