மீண்டும் புதுப் பொலிவுடன் தமிழ் நெட்வேர்க்.


> நட்சத்திரங்களால் களைகட்ட போகும் சென்னை

அடுத்த மாதம் ஃபெப்சி தொழிலாளர்களின் அகில இந்திய மாநாடு சென்னையில் நடைபெற இருக்கிறது. இதில்தான் முதல்வர் கலைஞருக்கு விருதளிக்க போகிறது ஃபெப்சி. நான்கு வருடங்களுக்கு ஒருமுறை நடக்கிற இந்த மாநாடு ஃபெப்சி தொழிலாளர்கள் மத்தியில் பிரபலம். ஒவ்வொரு முறையும் ஒவ்வொரு மாநிலத்தில் நடத்துவார்களாம். இந்த முறை சென்னையில்!

பாலிவுட்டிலிருந்து ஹிருத்திக் ரோஷன், தெலுங்கிலிருந்து பாலகிருஷ்ணா, சிரஞ்சீவி, நாகார்ஜுனா, கன்னடத்திலிருந்து விஷ்ணுவர்த்தன், சிவராஜ்குமார் ஆகியோர் நிகழ்ச்சி நடைபெறும் நாளில் சென்னைக்கு வரவிருக்கிறார்களாம். நான்கு நாட்கள் நடைபெறப் போகும் இந்த மாநாட்டிற்காக அகில இந்தியாவிலும் படப்பிடிப்புக்கு விடுமுறை விட முடிவெடுத்திருக்கிறார்கள். குறிப்பிட்ட நாட்களில் வெளிநாட்டில் படப்பிடிப்பு நடந்தால் கூட நிறுத்திவிட்டு சென்னைக்கு வர வேண்டும் என்று உத்தரவாம்.

தமிழகத்திலிருந்து எல்லா நடிகர் நடிகைகளும் கலந்து கொள்வார்கள் என்பது உத்தரவாதம். அதே நேரத்தில் ரஜினியும் கமலும் கலந்து கொள்ள சம்மதித்திருக்கிறார்களாம். இந்தியா முழுவதுமிலிருந்து சூப்பர் ஆக்டர்களும், ஸ்டார்களும் சென்னையை குறி வைத்திருப்பதால், இப்பவே நட்சத்திர விடுதிகள் ஃபுல். ஆச்சர்யம் என்னவென்றால், ஃபெப்சி நிர்வாகிகள் மேற்படி நடிகர்களுக்கு ஃபிளைட் டிக்கெட் எடுத்துக் கொடுக்க முன்வந்த போதும் கூட, “எங்கள் செலவில் நாங்களே வருகிறோம். நீங்கள் சிரமப்பட வேண்டாம்” என்று கூறிவிட்டார்களாம் அந்த ஹீரோக்கள்.
Share on Google Plus

About Media 1st

உலகின் உண்மையை உரக்க சொல்வோம் வாழ்க தமிழ் மொழி வளர்க தமிழ் மொழி.