வழிகாட்டிகள் விஞ்ஞானப் பூங்காவின் செயலாளர் கலாநிதி ரீ. மதிவேந்தன் தலைமையில் மட்டக்களப்பு மாவட்ட அரசாங்க அதிபர் பி எஸ் .எம் . சார்ள்ஸ் பிரதம அதிதியாக கலந்துகொண்டு கண்காட்சியினை ஆரம்பித்து வைத்தார் .
ஆரம்ப நிகழ்வில் அதிதிகளாக மட்டக்களப்பு மாநகர ஆணையாளர் எம் . உதயகுமார் , வலய கல்வி பணிப்பாளர் கே . பாஸ்கரன் . பேராசிரியர் மௌனகுரு , மட்டக்களப்பு போதனா வைத்தியசாலை வைத்தியர் கே. அருள்நிதி மற்றும் வைத்திய அதிகாரிகள் , மாணவர்கள் ,அரச அதிகாரிகள் ஆகியோர் கலந்துகொண்டனர் .
இன்றைய ஆரம்ப நிகழ்வில் மட்டக்களப்பு அரங்க ஆய்வு கூடம் வழங்கிய மௌனகுருவின் “தாண்டவ தகனம்”-- மகாபாரதப் போரின் பின்னணியில் இருந்த இயற்கை அழிப்பை அடிப்படையாகக் கொண்ட நவீன நாடகமும் இடம்பெற்றது . இக்கண்காட்சியானது இன்று முதல் செப்டெம்பர் 27வரை மட்டக்களப்பு புகையிரத நிலையத்திற்கு அருகிலுள்ள அரசினர் ஆசிரியர் கலாசாலையில் காலை 9 மணி தொடக்கம் இரவு 9 மணி வரை இடம்பெறவுள்ளது.
இக்கண்காட்சியில் விஞ்ஞான மாதிரிகள், புத்தாக்கப் போட்டி , நேரடி விஞ்ஞானப் பரிசோதனைகள், கலை கலாச்சாரம் , செயற்பாடுகள் , பாரம்பரிய உணவுகளும் சிற்றுண்டிகளும் மற்றும் மாலை வேளையில் நான்கு தினங்களுக்கு வீதி நாடகங்களும் இடம்பெறும்.
இக்கண்காட்சி மட்டக்களப்பில் முதன் முறையாக இடம்பெறும் பல அம்சங்களைத் தாங்கிய இந்த விஞ்ஞானக் கண்காட்சி என்பது குறிப்பிடத்தக்கது .
( நியூவற்றி அமிர்தகழி நிருபர் )
0 நான் சம்பாதிச்சது:
Post a Comment
Note: Only a member of this blog may post a comment.